فيلم اولاد رزق الجزء الثاني
بعد اربع سنين من نجاح فيلم اولاد رزق الجزء الاول رجعولنا تاني اسود الارض بالجزء للثاني هناخد كذا نقطه عن الفيلم اولها اننا هنحلل اداء شخصيات الفيلم و هنتكلم عن الفيلم وهنعرف لو الفيلم يستحق المشاهده او لا ؟! هنعرف اكيد.....
اولا قصه الفيلم بدات بعد نهايه الجزء الاول ب٣ سنين الاخوات الاربعه حاولوا بكل الطرق انهم يحافظوا علي الوعد اللي هما وافقوا عليه مفيش سرقه مفيش جرايم مفيش اي حاجه خالص بس ف لحظه حصلت حاجه غيرت الاحداث كلها وفجاه لقوا نفسهم داخلين ف مشكله بتغيرلهم حياتهم و بيقابلوا مجرمين محترفين الفيلم مسلي جدا ومشوق جدا بيشدك في كل المشاهد اللي هتتفرج عليها الاخراج والانتاج روعه جدا فيه ونسبه الاكشن اللي فيه كتيره شويه عن الجزء الاول ومن اكتر الحاجات اللي شديتني ليه ان الكوميديا بتاعتوا اكتر بكتير من الجزء الاول بس اكتر حاجه بتميز اولاد رزق سواء ف الجزء الاول او الثاني انو ديما بيبقي ماشي في احداث معينه وفجاه بتحصل حاجه بتغير مجرا الاحداث وده اللي حصل ف الجزء الاول بس ف الجزء الثاني حصل نفس السياق بس بطريقه احلي شويه .......
ثانيا :تحليل شخصيلت الفيلم ...
المخرج طارق العريان المخرج العظيم اللي برغم من كل اعمالو السينيمائيه القليلة الا انو قدر يسيب علامه ف السينيما المصريه زي (الامبراطور و الباشا لاحمد زكي ، تيتو ، الخليه ، السلم و التعبان ) بيعرف يوظف الممثلين بطريقه صح وبيعرف كل واحد يقدر يعمل ايه ويحطوا ف مكانوا وديه حاجه تتحسبلو عشان قدر بعد ٤ سنين يرجع الشكل الناجح لفيلم اولاد رزق
احمد عز عندو حضور وكاريزما عاليه جدا وذكاء بيقدر يخطف بيهم الانتباه وكوميديا لايت تدخل القلب وهو بيقوم بدور الاخ الاكبر زي ما شوفنا ف الجزء الاول من الفيلم والشخصيه ديه تقيله شويه وف نفس الوقت خفيفه ويمكن ده اللي مخليه متميز جدا ف ادائوا وتمثيلوا ... ادائوا ف الجزء الاول كان روعه ادائوا في الجزء الثاني تحفه ..
احمد الفيشاوي ادائوا كان هايل جدا يمكن هو يعتبر الافضل من اولاد الممثلين الموجودين ع الساحه الفنيه ممكن مكنش ليه مساحه كبيره ف الجزء الثاني علي عكس الجزء الاول بس ده بسبب الخدع اللي كانت مبنيه ع الشخصيه نفسها ده مش بيقلل من ادائوا بالعكس ادائوا كان تحفه جدا ف الجزء الثاني كالعاده دي ما اتعودنا منو ع اداء مميز بس لم يتمكن من حضور العرض الخاص لان كان وقت العرض الخاص قريبا جدا من موت والده الفنان الكبير فاروق الفيشاوي ..
عمرو يوسف ممثل بارع مثل الدور بالظبط زي ما بيقول الكتاب وديه حاجه تتحسبلوا ف تاريخوا كفنان ف الجزء الثاني اداء شخصيتوا اتطور جدا عن الجزء الاول ...
احمد داووود تالق جدا جدا ف الجزء الجديد وعاش حاله كبيره جدا من النجاح وخصوصا انو ظهر بشخصيتوا الحقيقيه وهيه عاطف هتضحك كتير وهتتاثر كتير ف مشاهدوا المتنوعه حقيقي شابو احمد داووود .....
كريم قاسم عامل دور الاخ الاصغر احلي بكتير من الجزء الاول معظم مشاهدو ف الفيلم كوميديه جدا هتضحك فيها من قلبك زي مشاهدوا مع الفنانه الكبيره غاده عادل ....
نسرين امين مرات احمد عز (رضا) ف اولاد رزق ديه من الابطال المكملين معانا من الجزء الاول ديما كده تحس انها فيها حاجه مشتركه بينها وبين احمد عز وبتعمل ادورها بطريفه تحفه جدا ومعظم مشاهدها مضحكه وخفيفه .....
محمد ممدوح عمل الدور بطريقه متقنه وجميله جدا بيعرف يمثل اي شخصيه بطريقه رائعه جدا وده فعلا اللي متعوديت عليه من ممثل بارع زيو ...
ضيوف الشرف :
غاده عادل عملت اضافه تحفه للفيلم واطلالتها كانت زي القمر كالعاده
اياد نصار تالق جدا ف تمثيلوا وبيعيش حاله من النضوج الفني كبيره جدا
باسم سمره عمل دور جميل جدا ولايق ع شخصيتوا
خالد الصاوي غني عن التعريف طبعا بيضيف لاي عمل يدخل فيه عامل الدور باتقان وعامل شخصيه الخواجه كويس جدا
..
اتمني لكم قرأه ممتعه🌸
Comments
Post a Comment